दोलखा। ढुंगाले किचेर एक किशोरको मृत्यु भएको छ। जिल्लाको मेलुङ गाउँपालिका –५ कटुञ्जेका अन्दाजी १६ वर्षीय कौशुव श्रेष्ठको मृत्यु भएको हो ।

जिल्ला प्रहरी कार्यालय दोलखाका प्रहरी प्रवक्ता, प्रहरी निरिक्षक (ईन्स्पेक्टर) श्रीराम तिमल्सिनाका अनुसार आज दिउँसो बाख्रा चराउन गएका उनलाई आँफै बसेको ढुंगा पल्टिएर उनलाई अचानक किच्दा घटनास्थलमै मृत्यु भएको हो । 

अहिले जिल्ला प्रहरी कार्यालयबाट प्रहरी टोली खटिएको र मृतकको शव घटनास्थलमै रहेको प्रहरीले जनाएको छ।