दोलखा । एपेक्स स्कुलको आयोजनामा पहिलो त्रैमासिकको "Curriculum Eve" कार्यक्रम शुक्रबार हाम्रो रेडियोको हलमा सम्पन्न भएको छ । जिल्लामै पहिलोपटक आयोजना गरिएको यो कार्यक्रम शिक्षण सिकाइको प्रक्रिया, पाठ्यक्रममा आधारित शैक्षिक रणनीति, र विद्यालयको सहपाठ्य गतिविधिहरू सम्बन्धमा जानकारी दिने उद्देश्यले गरिएको हो ।

कार्यक्रम दुई सिफ्टमा सम्पन्न गरिएको थियो, जसमा विद्यालयले अपनाएको पाठ्यक्रम तथा शिक्षणको ढाँचा, समय तालिका, र सिकाइको लक्ष्यबारे प्रष्ट जानकारी दिइयोएको थियो । "Curriculum Eve" को अर्थ विद्यालयमा प्रयोग गरिने पाठ्यक्रमले विद्यार्थीहरूलाई कति प्रभावकारी रूपमा सिकाउन सक्यो भन्ने कुरा अभिभावकसँग साझेदारी गरी समीक्षा गर्ने प्रक्रिया हो।

विद्यालयका प्रधानाध्यापक नसीब कायस्थका अनुसार Apex School ले CDC (Curriculum Development Centre) द्वारा तयार पारिएको पाठ्यक्रमलाई जीवन उपयोगी र व्यवहारिक बनाउन विभिन्न सहपाठ्य गतिविधि सञ्चालन गर्दै आएको बताए ।साथै, विद्यालयले हरेक पाठलाई संयुक्त राष्ट्रसंघका दिगो विकास लक्ष्य (SDGs), २१औं शताब्दीका जीवन सीपहरू, र ८ प्रकारका ‘well-being’ सँग जोडेर Lesson Plan तयार पार्ने जानकारी समेत उहाँले दिनुभयो।

कार्यक्रमले विद्यालय र अभिभावकबीचको सम्बन्धलाइ  बलियो बनाउन सहयोग पुग्ने अपेक्षा गरिएको छ। कार्यक्रममा दुई सय जना भन्दा बढी अभिभावकको उपस्थिति रहेको थियो