दोलखा । गौरीशंकर गाउँपालिका–१, जुगुमा मंगलबारदेखि दुई दिने निःशुल्क स्वास्थ्य शिविर सञ्चालन गरिएको छ। गौरीशंकर गाउँपालिकाको आयोजना तथा धुलिखेल दोलखा अस्पतालको प्राबिधिक सहयोगमा संचालित शिविर मंगलवार र बुधबार (जेठ २७ र २८) दुई दिनसम्म चल्नेछ ।

शिविरको उद्घाटन गाउँपालिकाका अध्यक्ष विश्वास कार्कीले ब्यानर पढेर गरेका थिए । उनले स्थानीयस्तरमै यस्ता कार्यक्रमले ग्रामीण क्षेत्रका जनताको स्वास्थ्यमा सकारात्मक प्रभाव पार्ने विश्वास व्यक्त गरे।

स्वास्थ्य सेवामा पहुँच नपुगेका दुर्गम बस्तीका नागरिकलाई लक्षित गरी यो शिविर आयोजना गरिएको आयोजकले बताएको छ । शिविरमा स्थानीयको उत्साहजनक सहभागिता देखिएको छ।