दोलखा। सदरमुकाम चरिकोटमा रहेको कालिञ्चोक माध्यमिक विद्यालयमा ट्राफिक सचेतना तथा लागु औषधबारे सचेतना कक्षा सम्पन्न भएको छ।

शुक्रबार जिल्ला प्रहरी कार्यालय र ट्राफिक प्रहरी कार्यालय को सयुक्त आयोजनामा कालिञ्चोक माविका विद्यार्थीहरूलाई उक्त सचेतना कक्षा सम्पन्न गरेको हो। जिल्ला प्रहरी कार्यालय दोलखाका प्रहरी निरीक्षक श्रीराम तिमल्सिनाले विद्यालयमा अध्ययनरत छात्र, छात्रा र शिक्षक शिक्षिकालाई लागु औषधबाट हुने हानि, त्यसका असर र रोकथामका बारे जानकारी गराएका थिए ।

त्यस्तै ट्राफिक प्रहरी कार्यालयका प्रमुख ठाकुर प्रसाद भट्टराईले ट्राफिक नियमअन्तर्गत सडक, सडक चिह्न प्रयोग, सवारीसाधनको प्रयोग गर्ने तरिकाको विषयमा विद्यार्थीलाई जानकारी तथा सचेत गराएका थिए ।